Macarıstan yolayrıcında
Aprelin 3-ü Macarıstanda parlament seçkisi keçiriləcək. Novator.az-ın məlumatına görə, qarışıq üsulla (dairələr və partiya siyahıları üzrə) formalaşan 199 yerlik parlamentə düşmək istəyən siyasi qüvvələrin ikisi daha şanslı sayılır.
2010-cu ildən baş nazir postunu tutan Viktor Orbanın rəhbərlik etdiyi hakim koalisiya Vətəndaş İttifaqı və Xristian Demokrat Xalq partiyalarını birləşdirir.
1963-cü il təvəllüdlü Viktor Orban 1998-2002-ci illərdə də baş nazir olub.
6 müxalif partiya parlament seçkisinə “Macarıstan üçün birlik” koalisiyasında qoşulub. Bu qurumun baş nazirliyə namizədi Peter Marki-Zaidir.
1972-ci ildə doğulan Peter Marki-Zai “Hər kəs üçün Macarıstan” ictimai hərəkatının lideri, Hodmezyovaşarxey şəhərinin meridir.
Son rəy sorğularına görə, hakim koalisiya seçicilərin 49 faizindən dəstək alır, müxalif blok 41 faizlə ikinci yerdə gedir.
