Azərbaycanın sabiq prezidenti Ayaz Mütəllibov martın 27-də vəfat edib.
Novator.az bildirir ki, 1938-ci il mayın 12-si Bakıda doğulan Ayaz Mütəllibov indiki Azərbaycan Dövlət Neft və Sənaye Universitetini bitirib. Bakı Soyuducular Zavodunun, “Bakelektromaş” İstehsalat Birliyinin direktoru, Nərimanov Rayon Partiya Komitəsinin ikinci katibi, yerli sənaye naziri, Dövlət Plan Komitəsinin sədri, Nazirlər Sovetinin sədr müavini və sədri vəzifələrini tutub.
1990-cı ildən Azərbaycan Kommunist Partiyası Mərkəzi Komitəsinin birinci katibi olub, həmin il parlamentdə, 1991-ci ildə ümumxalq səsverməsində prezident seçilib.
1992-ci ildə prezident postundan istefa verən Ayaz Mütəllibov həmin ilin may ayından Rusiyanın paytaxtı Moskvada yaşayıb.
2012-ci ilin iyul ayında Ayaz Mütəllibov vətənə dönərək paytaxtda məskunlaşıb.
Allah rəhmət eləsin!
