İki ayın xarici ticarəti
2022-ci ilin iki aylıq xarici ticarət hesabatı yayılıb. Novator.az bildirir ki, rəsmi açıqlamaya görə, Dövlət Gömrük Komitəsi yanvar-fevral aylarında 139 ölkə ilə ticarət əməliyyatı, 5 milyard 967,7 milyon dollarlıq ixrac, 1 milyard 972,4 milyon dollarlıq idxal qeydə alıb, büdcəyə 820,8 milyon manat vəsait ödəyib.
Statistikaya əsasən, ixracın 92,2 faizi neft-qaz sektoruna daxil olan mallardır, idxalda ən böyük pay maşın, mexanizm, elektrik avadanlıqları və onların hissələrini əhatə edir: 20,5 faiz.
Hesabata görə, ixracın 7,8 faizi MDB ölkələrinin, 65,2 faizi Avropa İttifaqı ölkələrinin, 27 faizi başqa ölkələrin payına düşüb.
İdxalda MDB-nin payı 28,6 faiz, Avropa İttifaqının payı 15,5 faiz, başqa ölkələrin payı 55,9 faizdir.
İki ayda ticarət dövriyyəsi və ixrac üzrə əsas tərəfdaş İtaliya, idxal üzrə əsas tərəfdaş Türkiyə olub.
