Bank sektorunun yeni göstəriciləri
Mərkəzi Bank yeni hesabatlar yayıb. Novator.az bildirir ki, rəsmi məlumata görə, 2022-ci il martın 1-nə Azərbaycanda 17 milyard 126,5 milyon manat kredit, 10 milyard 36,7 milyon manat əmanət olub.
2022-ci il 16 milyard 659,1 milyon manat kredit, 9 milyard 241,5 milyon manat əmanətlə başlamışdı.
Statistikaya əsasən, martın 1-nə Azərbaycanda 690,2 milyon manat problemli kredit qeydə alınıb. İlin əvvəlindəki göstərici 719,4 milyon manat idi.
Başqa hesabata əsasən, martın 1-nə Azərbaycanda fəaliyyət göstərən 26 bankın 481 filialı, 97 şöbəsi olub, bank sektorunda 20834 nəfər çalışıb.
Bankların cəmi aktivləri 38 milyard 483,4 milyon manat, cəmi öhdəlikləri 33 milyard 421,9 milyon manat göstərilir.
