Dollar necə bahalaşdı?
ABŞ-da mərkəzi bank funksiyalı Federal Ehtiyat Sistemi martın 16-da uçot dərəcəsinin yuxarı həddini 0,5 faizə qaldırıb. Novator.az bildirir ki, bu, 2018-ci il dekabrın 19-dan bəri ilk artım olub. Son iki ildə uçot dərəcəsinin yuxarı həddi 0,25 faiz idi.
Uçot dərəcəsi banklara verilən borc üzrə faiz dərəcəsidir.
Azərbaycanın Mərkəzi Bankın uçot dərəcəsini 2022-ci il yanvarın 28-dən 7,5 faiz müəyyən edib. Banklara manatla verilən borclar üzrə faiz dərəcəsinə martın 18-də yenidən baxılacaq.
2015-ci ilin devalvasiyalarında Azərbaycanda dolların rəsmi kursu 0,7844 manatdan 1,5594 manata yüksəlib, 2016-cı ildə qiymət 1,7707 manata çatıb. 2017-ci ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
Dövlət Neft Fondu Mərkəzi Bankın 2022-ci ilin yanvar-fevral aylarında keçirdiyi valyuta hərraclarında 1 milyard 98,2 milyon ABŞ dolları məbləğində vəsait satıb. Yanvarın hərraclarında fonddan 727 milyon dollar, fevralın hərraclarında 371,2 milyon dollar alınıb.
Analoji xərc 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard, 2021-ci ildə 6,7 milyard dollar göstərilib.
