Orta maaş statistikası
Rəsmi hesabata görə, 2022-ci il martın 1-nə Azərbaycanda 5 milyon 304,6 min nəfər iqtisadi fəal şəxsin 4 milyon 988,9 mini məşğul əhali kimi qeydə alınıb. Bu, 315,7 min nəfər işsiz deməkdir.
Dövlət Statistika Komitəsi fevralın 1-nə muzdlu işçilərin orta aylıq nominal əməkhaqqını 765,9 manat göstərib. Novator.az bildirir ki, iqtisadi fəaliyyət növləri üzrə orta maaş belə rəsmiləşib:
mədən sənayesi – 2814,3 manat;
maliyyə və sığorta fəaliyyəti – 1868,3 manat;
informasiya və rabitə – 1225 manat;
peşə fəaliyyəti, elmi və texniki fəaliyyət – 1200 manat;
tikinti – 1003,4 manat;
nəqliyyat və anbar təsərrüfatı – 999 manat;
dövlət idarəetməsi və müdafiə; sosial təminat – 872,2 manat;
elektrik enerjisi, qaz və buxar istehsalı, bölüşdürülməsi və təchizatı – 840,9 manat;
emal sənayesi – 735,9 manat;
daşınmaz əmlakla əlaqədar əməliyyatlar – 658,2 manat;
əhaliyə səhiyyə xidməti və sosial xidmətlərin göstərilməsi – 654,9 manat;
su təchizatı, tullantıların təmizlənməsi və emalı – 633,6 manat;
təhsil – 622,8 manat;
turistlərin yerləşdirilməsi və ictimai iaşə – 625,7manat;
istirahət, əyləncə və incəsənət sahəsində fəaliyyət – 585,5 manat;
ticarət; nəqliyyat vasitələrinin təmiri – 552,8 manat;
inzibati və yardımçı xidmətlərin göstərilməsi – 467,2 manat;
kənd təsərrüfatı, meşə təsərrüfatı və balıqçılıq – 442,1 manat;
digər sahələrdə xidmətlərin göstərilməsi – 768,2 manat.
Ölkədə minimum aylıq əməkhaqqı 300 manatdır.
