Yaxın ölkələrin dövlət başçıları
Türkmənistanın yeni seçilmiş prezidenti Sərdar Berdiməhəmmədov yaxın ölkələrin ən gənc dövlət başçısı tituluna yiyələnir. O, 1981-ci il sentyabrın 22-də doğulub.
Novator.az bildirir ki, gənc dövlət başçılarının ilk üçlüyündə 1978-ci il yanvarın 25-də doğulmuş Ukrayna prezidenti Vladimir Zelenski və 1972-ci il mayın 24-də doğulmuş Moldova prezidenti Mayya Sandu da yer alırlar.
Litva prezidenti Gitanas Nauseda 1964-cü il mayın 19-da, Qırğızıstan prezidenti Sadır Japarov 1968-ci il dekabrın 6-da dünyaya gəlib.
1961-ci il dekabrın 24-də doğulan Azərbaycan prezidenti İlham Əliyev yaşa görə yaxın ölkələrin dövlət başçıları arasında altıncı sıradadır.
Ermənistan prezidenti Vaahn Xaçaturyan 1959-cu il aprelin 22-də, Estoniya prezidenti Alar Karis 1958-ci il martın 26-da, Özbəkistan prezidenti Şövkət Mirziyayev 1957-ci il iyulun 24-də, Latviya prezidenti Eqils Levits 1955-ci il iyunun 30-da doğulub.
Türkiyə prezidenti Rəcəb Teyyub Ərdoğan 1954-cü il fevralın 26-da, Belarus prezidenti Aleksandr Lukaşenko 1954-cü il avqustun 30-da dünyaya gəlib.
Qazaxıstana 1953-cü il mayın 17-də doğulan Qasım-Comərd Tokayev prezidentlik edir.
Gürcüstan prezidenti Salome Zurabişvili 1952-ci il martın 18-də, Tacikistan prezidenti İmaməli Rəhman 1952-cı il oktyabrın 5-də, Rusiya prezidenti Vladimir Putin 1952-ci il oktyabrın 7-də anadan olub.
İranın ali rəhbəri Seyid Əli Xamneyi 1939-cu il iyulun 17-də dünyaya gəlib.
