Makroiqtisadi göstəricilər
Dövlət Statistika Komitəsi makroiqtisadi göstəriciləri açıqlayıb. Novator.az bildirir ki, rəsmi hesabata görə, 2022-ci ilin yanvar-fevral aylarında Azərbaycanda kənd təsərrüfatının ümumi məhsulu 2021-ci ilin eyni dövrü ilə müqayisədə 3,1 faiz artıb (heyvandarlıq məhsulları istehsalı 2,5 faiz, bitkiçilik məhsulları istehsalı 14,1 faiz).
Nəqliyyat sektorunda yük daşınması üzrə 4,4 faiz, sərnişin daşınması üzrə 38,7 faiz yüksəlişin qeydə alındığı, informasiya və rabitə xidmətlərinin həcminin 7,4 faiz böyüdüyü vurğulanır.
Rəsmi məlumata əsasən, əhalinin gəlirləri nominal ifadədə 15,7 faiz artıb, yanvar-fevral aylarında dövlət büdcəsinə 4 milyard 626,1 milyon manat vəsait daxil olub, büdcədən 2 milyard 685,1 milyon manat vəsait xərclənib.
Hesabata görə, fevralın 1-nə ölkənin bank və digər kredit təşkilatlarının kredit portfeli milli valyuta ekvivalentində 17 milyard 242,1 milyon manat, əhalinin banklardakı əmanətlərinin milli valyuta ekvivalentində 9milyard 635,8 milyon manat olub.
