Ticarət göstəriciləri
2022-ci ilin yanvar-fevral aylarında Azərbaycanın pərakəndə ticarət şəbəkəsində istehlakçılara 3,9 milyard manatlıq ərzaq məhsulları, içkilər və tütün məmulatları, 3,1 milyard manatlıq qeyri-ərzaq malları satılıb. Novator.az-ın məlumatına görə, hesabatı yayan Dövlət Statistika Komitəsi bildirir ki, 2021-ci ilin ilk iki ayı ilə müqayisədə pərakəndə ticarət dövriyyəsi real ifadədə 3 faiz, o cümlədən ərzaq məhsulları, içkilər və tütün məmulatları üzrə 2,6 faiz, qeyri-ərzaq malları üzrə 3,5 faiz artıb.
Başqa bir rəsmi açıqlamaya əsasən, yanvar ayında Azərbaycanın hüquqi və fiziki şəxsləri 118 ölkədəki tərəfdaşları ilə ticarət əməliyyatları həyata keçirib, 66 ölkəyə məhsul ixrac olunub, 111 ölkədən idxal qeydə alınıb.
2021-ci ilin yanvar ayı ilə müqayisədə xarici ticarət dövriyyəsinin faktiki qiymətlərlə 1,8 dəfə, real ifadədə 17,8 faiz, o cümlədən ixracın 25,9 faiz, idxalın isə 2,8 faiz artdığı vurğulanır.
