“AzəriLayt” neçəyədir?
Energetika Nazirliyinin 11 mart məlumatına görə, “AzəriLayt” markalı Azərbaycan neftinin barreli 118,56 dollara satılır. Novator.az bildirir ki, bu, ilin start qiymətindən 36,07 dollar yuxarı qiymətdir.
2022-ci ilin dövlət büdcəsində bir barrel neftin qiyməti 50 dollardan götürülüb. “AzəriLayt” yanvara 82,49, fevrala 94,20, marta 102,30 dollarla başlayıb.
Gündəlik xam neft hasilatı yanvarda 580,9 min barrel göstərilib. Beynəlxalq razılaşmaya əsasən, martda Azərbaycanın gündəlik xam neft hasilatı 675 min barreldir, apreldə 682 min barrelə yüksələcək.
Yanvarın xam neft hasilatı 2,9 milyon ton olub.
Son illərin hasilat göstəriciləri belə rəsmiləşib: 2008-ci il – 44,5 milyon ton, 2009-cu il – 50,4 milyon ton, 2010-cu il – 50,8 milyon ton, 2011-ci il – 45,6 milyon ton, 2012-ci il – 43,4 milyon ton, 2013-cü il – 43,5 milyon ton, 2014-cü il – 42 milyon ton, 2015-ci il – 41,6 milyon ton, 2016-cı il – 41 milyon ton, 2017-ci il – 38,7 milyon ton, 2018-ci il – 38,8 milyon ton, 2019-cu il – 37,4 milyon ton, 2020-ci il – 34,5 milyon ton, 2021-ci il – 34,6 milyon ton.
