Yeni baxış, köhnə qərar
Bakı Apellyasiya Məhkəməsi AXCP üzvü Paşa Umudovu yenə həbsdə saxlayıb. “Turan”ın məlumatına görə, qərar martın 10-da çıxarılıb.
2019-cu il oktyabrın 15-i Bakıda tutulan Paşa Umudov Nərimanov Rayon Məhkəməsinin 7 avqust 2020-ci il hökmü ilə 4 il 6 ay müddətinə azadlıqdan məhrum edilib. Cəbhəçi satış məqsədi ilə qanunsuz olaraq narkotik vasitə saxlamada təqsirli bilinib.
2020-ci il oktyabrın 27-də Bakı Apellyasiya Məhkəməsi Paşa Umudovun cəzasını qüvvədə saxlamış, cəbhəçi bəraət istəyi ilə Ali Məhkəmə üz tutmuş, bu instansiya 2021-ci il dekabrın 16-da işi apellyasiya mərhələsinə qaytarmışdı.
Paşa Umudov ittihamı saxta adlandırır, siyasi fəaliyyətinə görə şərləndiyini deyir.
