Təkbətək görüş
Türkiyə səfərində olan prezident İlham Əliyev martın 10-u Ankarada həmkarı Rəcəb Teyyub Ərdoğanla bir araya gəlib. Görüş təkbətək keçirilib.
AZƏRTAC xəbər verir ki, görüşdə Şuşa bəyannaməsi ilə Azərbaycan-Türkiyə münasibətlərinin müttəfiqlik əsasında daha da inkişaf etdiyi vurğulanıb, Azərbaycanla Ermənistan arasında əlaqələrin normallaşdırılmasının perspektivləri ətrafında fikir mübadiləsi aparılıb, Zəngəzur dəhlizinin açılmasının region üçün yaratdığı perspektivlərin əhəmiyyəti qeyd olunub.
Söhbət zamanı 2020-ci il noyabrın 10-da imzalanmış üçtərəfli bəyanatda təsbit olunmuş bütün müddəaların Ermənistanın icra etməsinin vacibliyi qeyd edilib, Türkiyə və Ermənistan nümayəndə heyətlərinin təmasları mövzusunda müzakirə aparılıb.
Söhbət əsnasında hərbi, hərbi-texniki, o cümlədən hərbi təlim və tədris sahələrində əməkdaşlığın uğurla davam etdirildiyi bildirilib, həmçinin Ukraynadakı hadisələrlə bağlı fikir mübadiləsi aparılıb.
