Finişə doğru
İtaliyanın Turin şəhərində keçiriləcək “Avroviziya 2022” mahnı müsabiqəsinin milli seçim mərhələsi başa çatmaq üzrədir. Novator.az-ın məlumatına görə, martın 10-da Böyük Britaniya, martın 12-də İslandiya, İsveç, Portuqaliya, martın 13-də Ermənistan təmsilçisini seçəcək.
10-14 maya təyin olunmuş yarışa 40 ölkə qatılır. Martın 10-dək 35 ölkənin təmsilçisi müəyyənləşib:
Albaniya – Ronela Hayati
Almaniya – Malik Harris
Avstraliya – Şeldon Rayli
Avstriya – Luka Mixlmayr və Pia Maria
Azərbaycan – Nadir Rüstəmli
Belçika – Jeremi Makiz
Bolqarıstan – “İntelligent Music Project” qrupu
Çexiya – “We Are Domi” qrupu
Danimarka – “Reddi” qrupu
Estoniya – Stefan Ayrapetyan
Finlandiya – “The Rasmus” qrupu
Fransa – Aleksis Morvan-Rozius və “Ahez” qrupu
Gürcüstan – “Circus Mircus” qrupu
Xorvatiya – Mia Dimşiç
İrlandiya – Bruk Skulyon
İspaniya – Şanel Terrero
İsrail – Maykl Ben Devid
İsveçrə – Marius Bea
İtaliya – Alessandro Mahmud və Rikkardo Fabbrikoni
Kipr – Andromaxi Dimitropulu
Latviya – “Citi Zeni” qrupu
Litva – Monika Lübinayte
Malta – Emma Muskat
Moldova – “Zdob şi Zdub” və “Advahov qardaşları” qrupları
Monteneqro – Vladana Vuçiniç
Niderland – Stin den Hollander
Norveç – “Subwoolfer” qrupu
Polşa – Kristian Oçman
Rumıniya – Andrey İonuts Ursu
San Marino – Lauro De Marinis
Serbiya – Ana Curiç
Sloveniya – “Last Pizza Slice” qrupu
Şimali Makedoniya – Andrea Koyevska
Ukrayna – “Kaluş” qrupu
Yunanıstan – Amanda Tenford.
İctimai teleradioları bir araya gətirən Avropa Yayım Birliyi “Avroviziya” yarışını 1956-cı ildən keçirir. Müsabiqədə İrlandiya 7, İsveç 6, Böyük Britaniya, Fransa, Lüksemburq, Niderland 5, İsrail 4, Danimarka, İtaliya, Norveç 3, Almaniya, Avstriya, İspaniya, İsveçrə, Ukrayna 2 dəfə, Azərbaycan, Belçika, Estoniya, Finlandiya, Latviya, Monako, Portuqaliya, Rusiya, Serbiya, Türkiyə, Yuqoslaviya, Yunanıstan 1 dəfə qalib olub.
Mənbə: Eurovision.tv
