Bahalı raketlərin istismarı Putini qəzəbləndirib
Rusiya prezidenti Vladimir Putin öz ordusunun Ukraynanın Vinnitsa hava limanına çox bahalı raketlər atdığını biləndə bərk qəzəblənib. Novator.az-ın məlumatına görə, bunu Böyük Britaniyanın “Bellingcat” internet nəşrinin əməkdaşı Xristo Qrozyev Ukraynada təşkil olunan telemarafon zamanı açıqlayıb.
Fevralın 24-dən Rusiya Ukraynanı tam işğal etmək üçün müharibə aparır. Martın 6-da Rusiyanın Qara dənizdən qalxan strateji bombardmançı təyyarələri Ukraynanın mərkəzində yerləşən Vinnitsa şəhərinin hava limanına 8 raket zərbəsi endirib. Zərbələrin uzaqmənzilli Х-101 raketləri ilə endirildiyi bildirilir.
Xristo Qrozyevin sözlərinə görə, Х-101 çox bahalı raketdir və Rusiyanın arsenalında belə raketlərin sayı məhduddur. Putini qəzəbləndirən də bu olub.
Vinnitsanın bombalanması nəticəsində ən azı 10 nəfər həlak olub.
Xristo Qrozyevin qənaətənə görə, Vladimir Putinin Ukrayna cəbhəsindəki vəziyyət barədə aydın təsəvvürü yoxdur. Jurnalist bunu həm də ətrafındakı insanların real vəziyyəti Putinə anlatmaqdan çəkinməsi ilə izah edib.
Mənbə: Ukrinform.ua
