Yeni qiymət, yeni kvota
Martın 4-də “AzəriLayt” markalı Azərbaycan neftinin barreli 118,17 dollara təklif olunur. Xəbəri Energetika Nazirliyi yayıb.
2022-ci ilin dövlət büdcəsində bir barrel neftin qiyməti 50 dollardan götürülüb. “AzəriLayt” yanvara 82,49, fevrala 94,20, marta 102,30 dollarla başlayıb.
Gündəlik xam neft hasilatı yanvarda 580,9 min barrel göstərilib.
Beynəlxalq razılaşmaya əsasən, martda Azərbaycanın gündəlik xam neft hasilatı 675 min barreldir, apreldə 682 min barrelə yüksələcək. Neft ixrac edən ölkələri birləşdirən koalisiyanın (OPEK+) aprel ayı üzrə hasilat razılaşmasını 20 ölkə dəstəkləyib. Novator.az bildirir ki, onların 10-u OPEK təmsilçisidir: Anqola, Birləşmiş Ərəb Əmirlikləri, Ekvatorial Qvineya, Əlcəzair, İraq, Konqo, Küveyt, Qabon, Nigeriya, Səudiyyə Ərəbistanı. Razılaşmaya bu qeyri-OPEK ölkələri qoşulub: Azərbaycan, Bəhreyn, Bruney, Cənubi Sudan, Qazaxıstan, Malayziya, Meksika, Oman, Rusiya, Sudan.
