Prezident oğlu Bakıda
Prezident İlham Əliyev martın 3-ü Bakıda Tacikistan parlamenti Milli Məclisinin sədri Rüstəm İmaməli ilə görüşüb.
Novator.az bildirir ki, Rüstəm İmaməli Tacikistan prezidenti İmaməli Rəhmanın oğludur. 1987-ci il təvəllüdlü Rüstəm İmaməli Tacik Milli Universitetini dünya iqtisadiyyatı və beynəlxalq münasibətlər ixtisası, Tacikistan Daxili İşlər Nazirliyinin Akademiyasını hüquqçu ixtisası ilə bitirib. Müxtəlif rəhbər vəzifələrdə çalışıb, o cümlədən Gömrük Xidmətinin rəisi postunu tutub. 2017-ci ildən paytaxt Düşənbənin meridir. Milli Məclisə 2020-ci ildə sədr seçilib.
1952-ci il təvəllüdlü İmaməli Rəhman 1992-ci il noyabrın 19-da Tacikistan parlamentinin sədri postuna gətirilib, həmin gündən dövlət başçısıdır. 1994-cü ildə 5 il müddətinə, 1999, 2006, 2013 və 2020-ci illərdə 7 il müddətinə prezident seçilib.
