Gəncə layihəsi son oxunuşa gedir
Fevralın 25-də Milli Məclis Gəncə şəhərinin inzibati ərazi bölgüsündə qismən dəyişikliyə ikinci oxunuşda səs verib. Üçüncü – son oxunuşdan sonra layihə imza üçün prezidentə təqdim olunmalıdır.
Qanun layihəsinə görə, Gəncə şəhərinin tərkibindəki Kəpəz və Nizami rayonları ləğv edilərək ərazi vahidlərinin dövlət reyestrindən çıxarılır. Nizami rayonunun tərkibindəki sahə inzibati ərazi dairələri Gəncə şəhəri tərkibində sahə inzibati ərazi dairələri, Kəpəz rayonunun tərkibindəki sahə inzibati ərazi dairələri və qəsəbə inzibati ərazi dairələri Gəncə şəhəri tərkibində sahə inzibati ərazi dairələri və qəsəbə inzibati ərazi dairələri hesab edilir.
