Xarici borcda nə qədər azalma var?
Maliyyə Nazirliyinin yeni hesabatına görə, 1 yanvar 2022-ci ilə Azərbaycanın xarici dövlət borcu 8 milyard 135,7 milyon ABŞ dollarına düşərək 2021-ci il üzrə ümumi daxili məhsulun 14,9 faizinə bərabər olub. Xarici dövlət borcunun bir ildə 685,8 milyon dollar azaldığı vurğulanır. 1 yanvar 2021-ci ilə ölkənin 8 milyard 821,5 milyon dollar xarici borcu vardı.
Novator.az bildirir ki, xarici borc 2015-ci ilə 6,4 milyard dollar, 2016-cı ilə 6,8 milyard dollar, 2017-ci ilə 6,9 milyard dollar, 2018-ci ilə 9,3 milyard dollar, 2019-cu ilə 8,9 milyard dollar, 2020-ci ilə 9 milyard 91 milyon dollar göstərilib.
