Naxçıvanın sosial-iqtisadi göstəriciləri
Naxçıvan Muxtar Respublikasının Dövlət Statistika Komitəsi yeni hesabat yayıb. Novator.az bildirir ki, rəsmi açıqlamaya görə, 2022-ci ilin yanvarında muxtar respublikada 180,3 milyon manatlıq ümumi daxili məhsul istehsal olunub, bu da 2021-ci ilin ilk ayı ilə müqayisədə 1,1 faiz çoxdur.
Hər bir nəfərə düşən ümumi daxili məhsulun həcmi 389,4 manat göstərilir.
Sənaye istehsalında 2021-ci ilin yanvar ayına nəzərən 1,3 faiz, sərmayə qoyuluşunda 1,1 faiz, kənd təsərrüfatı sahəsində 3,5 faiz, informasiya və rabitə xidmətlərinin dəyərində 1,8 faiz, kreditlərin həcmində 71,7 faiz yüksəlişin qeydə alındığı vurğulanır.
Hesabata əsasən, muxtar respublikada 384 növdə məhsul istehsal olunur, 350 növdə məhsula tələbat tamamilə yerli imkanlar hesabına ödənir.
Yanvarın 1-nə muxtar respublika iqtisadiyyatında bir işçiyə hesablanmış orta aylıq əməkhaqqının 553,6 manata çatdığı qeyd olunur.
