Konstitusiya Məhkəməsindən işdən kənarlaşdırma şərhi
Konstitusiya Məhkəməsinin Plenumu Suraxanı Rayon Məhkəməsinin müraciəti əsasında Əmək Məcəlləsinin 62-ci maddəsinin 1-ci hissəsinin “c” bəndini şərh edib. Həmin bənd işəgötürənə iş vaxtı ərzində inzibati xətaları və ya cinayət tərkibi olan ictimai-təhlükəli əməlləri törədən işçini müvafiq iş vaxtı ərzində işdən kənar etmək hüququ verir.
Konstitusiya Məhkəməsinin Plenumunun şərhində qeyd olunur ki, işəgötürən işçini bu hallarda özünün əsaslandırılmış qərarı ilə işdən kənar edə bilər: cinayət prosesini həyata keçirən orqanın şübhəli şəxs qismində tanınma və ya təqsirləndirilən şəxs qismində cəlb etmə barədə qərarı olduqda; inzibati xəta haqqında iş üzrə icraatın başlanması barədə müvafiq akt qəbul edildikdə.
