Kredit, əmanət, problemli kredit
Mərkəzi Bank yeni hesabatlar yayıb. Novator.az bildirir ki, rəsmi məlumata görə, 2022-ci il fevralın 1-nə Azərbaycanda 16 milyard 781,4 milyon manat kredit, 9 milyard 635,8 milyon manat əmanət olub.
2022-ci il 16 milyard 659,1 milyon manat kredit, 9 milyard 241,5 milyon manat əmanətlə başlamışdı.
Statistikaya əsasən, fevralın 1-nə Azərbaycanda 706,5 milyon manat problemli kredit qeydə alınıb. İlin əvvəlindəki göstərici 719,4 milyon manat idi.
Mərkəzi Bank 2015-ci ilin əvvəlində vaxtında qaytarılmayan kreditin həcmini 976,3 milyon manat göstərib.
2015-ci ilin devalvasiyaları ilə ABŞ dollarının rəsmi kursu 0,7844 manatdan 1,5594 manata yüksəlib, bu da problemli kreditlərin artımına rəvac verib. 2016-cı ilin əvvəlində 1 milyard 508,5 milyon manat, 2017-ci ilin əvvəlində 1 milyard 472,6 milyon manat, 2018-ci ilin əvvəlində 1 milyard 626,7 milyon manat, 2019-cu ilin əvvəlində 1 milyard 585 milyon manat problemli kredit rəsmiləşib.
2019-cu ildə fiziki şəxslər 2012-ci il yanvarın 1-dən bağlanmış kredit müqavilələri üzrə devalvasiya kompensasiyaları alıb.
2020-ci ilin əvvəlində ödəniş vaxtı keçmiş kreditlərin həcminin 1 milyard 273,1 milyon manat, 2021-ci ilin əvvəlində 893,1 milyon manat olduğu açıqlanıb.
