Xarici ticarətin ilk ayı
2022-ci ilin ilk xarici ticarət hesabatı yayılıb. Novator.az bildirir ki, rəsmi açıqlamaya görə, Dövlət Gömrük Komitəsi yanvar ayında 118 ölkə ilə ticarət əməliyyatı, 3 milyard 86,6 milyon dollarlıq ixrac, 974,8 milyon dollarlıq idxal qeydə alıb, büdcəyə 403,9 milyon manat vəsait ödəyib.
Statistikaya əsasən, ixracın 92,4 faizi neft-qaz sektoruna daxil olan mallardır, idxalda ən böyük pay maşın, mexanizm, elektrik avadanlıqları və onların hissələrini əhatə edir: 20,9 faiz.
Hesabata görə, ixracın 9,3 faizi MDB ölkələrinin, 65,6 faizi Avropa İttifaqı ölkələrinin, 25,1 faizi başqa ölkələrin payına düşüb.
İdxalda MDB-nin payı 33,1 faiz, Avropa İttifaqının payı 14,6 faiz, başqa ölkələrin payı 52,3 faizdir.
Yanvarda ticarət dövriyyəsi və ixrac üzrə əsas tərəfdaş İtaliya, idxal üzrə əsas tərəfdaş Türkiyə olub.
