Raund yarılandı
UEFA Konfrans Liqasında Azərbaycanı təmsil edən “Qarabağ” komandası 1/8 final yolunun ilk matçını geridə qoyub. Fevralın 17-si Fransada “Marsel”lə üz-üzə gələn Ağdam klubu 1:3 hesabı ilə uduzub.
Cavab oyunu fevralın 24-ü Bakıda olacaq.
Turnirin 1/8 finalı 10-17 martda, 1/4 finalı 7-14 apreldə, yarımfinalı 28 aprel-5 mayda, finalı 25 mayda (Tirana şəhəri) keçiriləcək.
Novator.az bildirir ki, 1899-cu ildə yaradılan “Marsel” 9 dəfə Fransa çempionu olub, 1 dəfə Çempionlar Liqası turnirində zəfər qazanıb.
1951-ci ildə Ağdam şəhərində yaradılan “Qarabağ” komandası 1977-ci ilədək “Məhsul”, 1982-ci ilədək “Şəfəq”, 1988-ci ilədək “Kooperator” adı daşıyıb. 1 dəfə Azərbaycan SSR-in, 8 dəfə müstəqil Azərbaycanın çempionu olub. 6 mövsüm Avropa Liqasının qrup mərhələsində, 1 mövsüm Çempionlar Liqasının qrup mərhələsində oynayıb.
