Neftsiz ixrac statistikası
2022-ci ilin yanvar ayında Azərbaycandan 232,2 milyon dollarlıq qeyri-neft məhsulu ixrac olunub. Novator.az-ın məlumatına görə, hesabatı yayan Dövlət Gömrük Komitəsi bildirir ki, əsas ünvanlar siyahısına 71 milyon dollarla Rusiya başçılıq edir.
Türkiyə 70,6 milyon dollarla ikinci, Gürcüstan 14,4 milyon dollarla üçüncüdür.
İtaliyaya 10,9, İsveçrəyə 7,6, Çinə 6,5, Niderlanda 5,3, Rumıniyaya 4,1, ABŞ-a 4, Türkmənistana 3,9, Almaniyaya 3,4, Özbəkistana 3,2, Ukraynaya 3 milyon dollar dəyərində qeyri-neft ixracı rəsmiləşib.
Digər ölkələrin payı 23,6 milyon dollar göstərilir.
