Makroiqtisadi hesabat
2022-ci ilin yanvarında Azərbaycanda kənd təsərrüfatının ümumi məhsulu ötən ilin ilk ayı ilə müqayisədə 2,7 faiz artıb. Hesabatı Dövlət Statistika Komitəsi yayıb.
Rəsmi məlumata görə, nəqliyyat sektorunda yük daşınması üzrə 3,3 faiz, sərnişin daşınması üzrə 64,8 faiz yüksəliş qeydə alınıb.
İnformasiya və rabitə xidmətlərinin həcmində artım 10,6 faiz göstərilir.
İaşə dövriyyəsinin real ifadədə 2,2 dəfə, əhaliyə göstərilən ödənişli xidmətlərin dəyərinin real ifadədə 6,6 faiz böyüdüyü, əhalinin gəlirlərinin nominal ifadədə 15,5 faiz artdığı, yanvar ayında dövlət büdcəsinə 2 milyard 746,9 milyon manatın daxil olduğu, büdcədən 983,4 milyon manatın xərcləndiyi vurğulanır.
Statistikaya əsasən, yanvarın 1-nə ölkənin bank və digər kredit təşkilatlarının kredit portfeli milli valyuta ekvivalentində 17 milyard 119,8 milyon manat, əhalinin banklardakı əmanətlərinin milli valyuta ekvivalentində məbləği 9 milyard 241,5 milyon manat olub.
Açıqlamaya görə, 2021-ci ildə ölkədə 69 min yeni iş yeri açılıb, 11,6 min iş yeri bağlanıb.
2022-ci il fevralın 1-nə iqtisadi fəal əhalinin sayı 5 milyon 304,3 min nəfər olub, onların 4 milyon 988,5 min nəfəri məşğul əhali kimi rəsmiləşib. Bu, 315,8 min işsiz deməkdir.
Sənayedə artım, sərmayədə eniş
