Hasilat və qiymət
2022-ci ilin yanvar ayında Azərbaycanın gündəlik xam neft hasilatı 580,9 min barrel olub. Hesabatı Energetika Nazirliyi yayıb.
Dövlət Statistika Komitəsi yanvarın xam neft hasilatını 2,9 milyon ton göstərib.
Beynəlxalq razılaşmaya əsasən, fevralda Azərbaycanın gündəlik xam neft hasilatı 668 min barreldir. Mart üçün 675 min barrel kvota nəzərdə tutulur.
Fevralın 17-də “AzəriLayt” markalı Azərbaycan neftinin barreli 100,76 dollara satılır.
2022-ci ilin dövlət büdcəsində bir barrel neftin qiyməti 50 dollardan götürülüb. “AzəriLayt” yanvara 82,49, fevrala 94,20 dollarla başlayıb.
Rəsmi hesabata əsasən, 2021-ci ildə 34,6 milyon ton xam neft hasil olunub. Əvvəlki illərin hasilat göstəriciləri belədir: 2008-ci il – 44,5 milyon ton, 2009-cu il – 50,4 milyon ton, 2010-cu il – 50,8 milyon ton, 2011-ci il – 45,6 milyon ton, 2012-ci il – 43,4 milyon ton, 2013-cü il – 43,5 milyon ton, 2014-cü il – 42 milyon ton, 2015-ci il – 41,6 milyon ton, 2016-cı il – 41 milyon ton, 2017-ci il – 38,7 milyon ton, 2018-ci il – 38,8 milyon ton, 2019-cu il – 37,4 milyon ton, 2020-ci il – 34,5 milyon ton.
