İqtisadi artım göstəricisi açıqlandı
2022-ci ilin yanvarında Azərbaycanda 9 milyard 257,6 milyon manatlıq, əvvəlki ilin ilk ayı ilə müqayisədə 5,8 faiz çox ümumi daxili məhsul (ÜDM) istehsal olunub. Novator.az-ın məlumatına görə, hesabatı yayan Dövlət Statistika Komitəsi bildirir ki, iqtisadiyyatın neft-qaz sektorunda əlavə dəyər 0,6 faiz, qeyri neft-qaz sektorunda 8,8 faiz artıb.
Əhalinin hər nəfərinə düşən ÜDM 922,2 manat göstərilir.
1995-ci ildə Azərbaycanda ÜDM əvvəlki ilə nisbətən 11,8 faiz geriləyib.
Sonrakı illərdə ümumi daxili məhsulun həcmi artıb. Ən böyük yüksəliş 2006-cı ilə düşüb: 34,5 faiz.
2016-cı ildə Azərbaycanda ÜDM istehsalı 3,1 faiz azalıb.
2017-2019-cu illərdə artım olub, 2020-ci ildə ÜDM istehsalı 4,3 faiz geriləyib, 2021-ci ildə 5,6 faiz yüksəlib.
