Ticarət hesabatları
Dövlət Statistika Komitəsinin hesabatına görə, 2022-ci ilin yanvarında Azərbaycanın pərakəndə ticarət şəbəkəsində istehlakçılara 2 milyard manatlıq ərzaq məhsulları, içkilər və tütün məmulatları, 1,6 milyard manatlıq qeyri-ərzaq malları satılıb, 2021-ci ilin ilk ayı ilə müqayisədə pərakəndə ticarət dövriyyəsi real ifadədə 2,9 faiz artıb.
Başqa bir rəsmi açıqlamaya əsasən, 2021-ci ildə Azərbaycanın hüquqi və fiziki şəxsləri 188 ölkədəki tərəfdaşları ilə ticarət əməliyyatları həyata keçirib, 120 ölkəyə məhsul ixrac olunub, 174 ölkədən idxal gerçəkləşib.
2020-ci illə müqayisədə xarici ticarət dövriyyəsinin faktiki qiymətlərlə 46,9 faiz, real ifadədə 5 faiz artdığı vurğulanır: ixracın real artımı 17 faiz olub, idxal isə 10 faiz azalıb.
