Laçın reydi
Mod.gov.az-ın 11 fevral məlumatına görə, müdafiə naziri Zakir Həsənov Laçın rayonunda dislokasiya olunan hərbi hissədə yeni tikilən və əsaslı təmir edilən hərbi infrastruktura baxış keçirib.
Nazirə məruzə edilib ki, hərbi qulluqçular üçün müasir tələblərə uyğun şərait yaradılıb, hərbi hissədə istilik sistemi ilə təchiz edilmiş qərargah binası, yataqxana, hamam-sanitar qovşağı, ərzaq və əşya anbarları, ideoloji sinif, xidməti, məişət və silah otaqları var.
Yeməkxana binası müasir standartlara cavab verən sobalar, soyuducular, eləcə də digər məişət texnikası və inventarla təchiz edilib.
Ərazidəki hərbi hissələrin generatorlar vasitəsilə fasiləsiz elektrik enerjisi ilə təmin olunduğu vurğulanır.
