Gürcüstan bahalıq zolağında
Gürcüstanın Milli Statistika Xidmətinin hesabatına görə, 2022-ci ilin yanvarında ölkədə əvvəlki ilin ilk ayına nəzərən 13,9 faiz inflyasiya gedib.
Novator.az bildirir ki, ərzaq üzrə illik qiymət artımı 16,2 faiz göstərilir, tərəvəzin 23,3 faiz, çörək və un məmulatlarının 20,5 faiz, kərə yağının 19,6 faiz, şəkərin 18,2 faiz, süd məhsulları və yumurtanın 14,4 faiz bahalaşdığı vurğulanır.
Rəsmi statistikaya əsasən, 2021-ci ilin yanvarı ilə müqayisədə kommunal xidmətlər 44,8 faiz, nəqliyyat xidməti 16,2 faiz, mehmanxana və restoran xidmətləri 16 faiz, tibbi xidmətlər 7,5 faiz dəyər artırıb.
