Sənayedə artım, sərmayədə eniş
Sənaye müəssisələri və fərdi sahibkarlar 2022-ci ilin yanvarında 6,5 milyard manatlıq, 2021-ci ilin ilk ayı ilə müqayisədə 5,4 faiz çox məhsul istehsal edib. Novator.az-ın məlumatına görə, hesabatı yayan Dövlət Statistika Komitəsi bildirir ki, sənayenin neft-qaz sektorunda istehsal 1,4 faiz, qeyri neft-qaz sektorunda 24,1 faiz artıb.
Başqa bir rəsmi bilgiyə əsasən, yanvarda əsas kapitala 658,1 milyon manat məbləğində, 2021-ci ilin eyni ayına nəzərən 11,1 faiz az vəsait yönəldilib, neft-qaz sektoruna investisiyalar üzrə 9,8 faiz, qeyri neft-qaz sektoruna investisiyalar üzrə 12,7 faiz düşmə qeydə alınıb.
