Turin yolunda
İtaliyanın Turin şəhərində keçiriləcək “Avroviziya 2022” mahnı müsabiqəsinə qatılan 41 ölkənin 15-i təmsilçisini seçib. Novator.az yenilənmiş siyahını təqdim edir.
Albaniya – Ronela Hayati
Avstriya – Luka Mixlmayr və Pia Maria
Belçika – Jeremi Makiz
Bolqarıstan – “İntelligent Music Project” qrupu
Çexiya – “We Are Domi” qrupu
Gürcüstan – “Circus Mircus” qrupu
İrlandiya – Bruk Skulyon
İspaniya – Şanel Terrero
İsrail – Maykl Ben Devid
İtaliya – Alessandro Mahmud və Rikkardo Fabbrikoni
Moldova – “Zdob şi Zdub” qrupu
Monteneqro – Vladana Vuçiniç
Niderland – Stin den Hollander
Şimali Makedoniya – Andrea Koyevska
Yunanıstan – Amanda Tenford.
Yarışda iştirak hüququnu bu ölkələr də alıb: Almaniya, Avstraliya, Azərbaycan, Böyük Britaniya, Danimarka, Ermənistan, Estoniya, Finlandiya, Fransa, Xorvatiya, İslandiya, İsveç, İsveçrə, Kipr, Latviya, Litva, Malta, Norveç, Polşa, Portuqaliya, Rumıniya, Rusiya, San Marino, Serbiya, Sloveniya, Ukrayna.
Turindəki ilk yarımfinal mayın 10-na, ikinci yarımfinal mayın 12-nə, final mayın 14-nə təyin olunub.
İctimai teleradioları bir araya gətirən Avropa Yayım Birliyi “Avroviziya” yarışını 1956-cı ildən keçirir. Müsabiqədə İrlandiya 7, İsveç 6, Böyük Britaniya, Fransa, Lüksemburq, Niderland 5, İsrail 4, Danimarka, İtaliya, Norveç 3, Almaniya, Avstriya, İspaniya, İsveçrə, Ukrayna 2 dəfə, Azərbaycan, Belçika, Estoniya, Finlandiya, Latviya, Monako, Portuqaliya, Rusiya, Serbiya, Türkiyə, Yuqoslaviya, Yunanıstan 1 dəfə qalib olub.
Mənbə: Eurovision.tv
