Təhlükəsizlik Şurasının üzvləri
Azərbaycanın Təhlükəsizlik Şurasının 14 üzvü var. Novator.az bildirir ki, quruma prezident İlham Əliyev sədrlik edir, üzvlərin və katibin təyinatı onun səlahiyyətindədir. Hazırda şurada dövlət başçısı ilə yanaşı bu şəxslər təmsil olunur:
Mehriban Əliyeva – birinci vitse-prezident
Əli Əsədov – baş nazir
Sahibə Qafarova – Milli Məclisin sədri
Samir Nuriyev – Prezident Administrasiyasının rəhbəri
Ceyhun Bayramov – xarici işlər naziri
Zakir Həsənov – müdafiə naziri
Vilayət Eyvazov – daxili işlər naziri
Kamran Əliyev – baş prokuror
Əli Nağıyev – Dövlət Təhlükəsizliyi Xidmətinin rəisi
Orxan Sultanov – Xarici Kəşfiyyat Xidmətinin rəisi
Elçin Quliyev – Dövlət Sərhəd Xidmətinin rəisi
Ramiz Mehdiyev – Azərbaycan Milli Elmlər Akademiyasının prezidenti
Ramil Usubov (katib).
Məşvərətçi orqan olan Təhlükəsizlik Şurası milli təhlükəsizliyin təmin edilməsi sahəsində dövlət siyasətinin formalaşdırılması və həyata keçirilməsi, dövlətin xarici və daxili təhlükəsizliyinin əsas istiqamətlərinin müəyyənləşdirilməsi ilə bağlı təkliflər verir, milli təhlükəsizliyin təmin edilməsi, habelə dövlətin konstitusiya quruluşunun, suverenliyinin, müstəqilliyinin və ərazi bütövlüyünün qorunması, ölkədə daxili təhlükəsizliyin və ictimai-siyasi sabitliyin vəziyyəti ilə bağlı məsələlərə baxır.
Təhlükəsizlik Şurasının əsası 1991-ci ildə qoyulub, ancaq qurum 1992-ci ilin martından fəaliyyət göstərməyib.
1997-ci ildə Təhlükəsizlik Şurası yenidən yaradılıb. Prezident yanında məşvərətçi orqan kimi qurulan şuranın katibi funksiyalarını administrasiya rəhbəri yerinə yetirib.
2019-cu il iyunun 20-də general-polkovnik Ramil Usubov Təhlükəsizlik Şurasının katibi təyin olunub, iyulun 11-də Təhlükəsizlik Şurası haqqında əsasnamə, sentyabrın 11-də Təhlükəsizlik Şurası Katibinin Xidməti haqqında əsasnamə təsdiqlənib.
