Hasilat razılaşmasına hansı ölkələr qoşulub?
Neft ixrac edən ölkələri birləşdirən koalisiyanın (OPEK+) mart ayı üzrə hasilat razılaşmasını 20 ölkə dəstəkləyib. Novator.az bildirir ki, onların 10-u OPEK təmsilçisidir: Anqola, Birləşmiş Ərəb Əmirlikləri, Ekvatorial Qvineya, Əlcəzair, İraq, Konqo, Küveyt, Qabon, Nigeriya, Səudiyyə Ərəbistanı.
Razılaşmaya bu qeyri-OPEK ölkələri qoşulub: Azərbaycan, Bəhreyn, Bruney, Cənubi Sudan, Qazaxıstan, Malayziya, Meksika, Oman, Rusiya, Sudan.
Fevralın 2-də əldə olunan həmin razılaşma Azərbaycanda gündəlik xam neft hasilatının martda 675 min barrelə çatdırılmasını nəzərdə tutur. Fevral ayının kvotası 668 min barreldir.
Energetika Nazirliyinin 3 fevral məlumatına görə, “AzəriLayt” markalı Azərbaycan neftinin barrelinə 93,65 dollar qiymət qoyulub.
2022-ci ilin dövlət büdcəsində bir barrel neftin qiyməti 50 dollardan götürülüb. “AzəriLayt” yanvara 82,49, fevrala 94,20 dollarla başlayıb.
