Məzənnələrin yanvarı
Mərkəzi Bank 2022-ci ilin yanvarında avronun siftə kursunu 1,9191 manat göstərib, ay ərzində ən yüksək rəsmi məzənnə 1,9506 manat olub.
Novator.az bildirir ki, Gürcüstan larisi ilə 0,5493 manatla başlayıb, yanvarda ən yuxarı qiymət 0,5583 manat həddində rəsmiləşib.
Rusiya rublu yola 0,0225 manatla çıxıb. Yanvarın zirvəsi 0,0229 manatdır.
Türkiyə lirəsi ilə 0,1263 manatla start verib, yanvarda maksimal kurs 0,1273 manatı ötməyib.
2015-ci ilin devalvasiyalarında dolların rəsmi kursu 0,7844 manatdan 1,5594 manata yüksəlib, 2016-cı ildə qiymət 1,7707 manata çatıb. 2017-ci ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
Manatın sabitliyi Mərkəzi Bankın Dövlət Neft Fondunun iştirakı ilə keçirdiyi valyuta hərraclarında qorunur. Fond 2016-cı ilin hərraclarında 4,9 milyard, 2017-ci ilin hərraclarında 3,6 milyard, 2018-ci ilin hərraclarında 6,5 milyard, 2019-cu ilin hərraclarında 6,6 milyard, 2020-ci ilin hərraclarında 7,3 milyard, 2021-ci ilin hərraclarında 6,7 milyard ABŞ dolları məbləğində vəsait satıb.
