Bakıda jurnalistlər üçün təlim keçiriləcək
JMMP (Journalism & Media Management Projects – Jurnalistika və Media İdarəçiliyi Layihələri) təşəbbüs qrupu fevralın 10-13-də Bakıda yayım və rəqəmsal media sahəsində peşəkar vərdişlərini inkişaf etdirmək istəyən jurnalistlər üçün təlim keçirəcək.
Təlim təşəbbüs qrupunun “Yayım mediasında və rəqəmsal platformalarda storitellinq (hekayəçilik), hədəf auditoriyası və nəticələrin ölçülməsi” layihəsi həyata keçirilir.
Dörd günlük təlim proqramı “Storitellinq (Hekayəqurma və söyləmə) texnikasının yayım jurnalistikası/rəqəmsal mediada tətbiqi və “Google Analitics”in onlayn mediada yeri” mövzusunda olacaq.
Təlimçilər USAİD-in beynəlxalq media mentorluq dərəcəsini almış jurnalistlər Samirə Həsənli və Ramil Zeynallı olacaqlar.
Təlimdə nəzəri və praktiki bilgilər ən son beynəxalq təlim standartlarına uyğun hazırlanıb.
Seçiləcək 10 jurnalist təlimin sonunda praktiki media məhsulları hazırlayacaq. Yerlər məhduddur.
Təlimdən qeydiyyatdan keçmək üçün bu linkə daxil ola bilərsiniz: https://bit.ly/3H4CICB
Təlim üçün son müraciət tarixi 8 fevral 2022-ci ildir.
