İtaliya 505 həddinə çatdı
İtaliyada prezident seçkisi dördüncü turla davam edəcək. Bu mərhələdən seçim şərti yüngülləşir.
Dövlət başçısını parlament palataları üzvləri və bölgə təmsilçilərini birləşdirən 1009 nəfərlik kollegiya seçir. İlk üç turda qələbə üçün üçdə iki səs çoxluğu gərək idi. Yanvarın 24-26-da keçirilmiş həmin turlar nəticəsiz qalıb. Novator.az bildirir ki, yanvarın 27-nə təyin olunmuş dördüncü turda qələbə üçün 505 səs kifayət edir. Sonrakı mərhələlərdə eyni qayda tətbiq olunacaq.
İtaliyada prezidentin səlahiyyət müddəti 7 ildir. 2015-ci ildən prezidentlik edən Serco Mattarellanın səlahiyyət müddəti fevralın 3-də başa çatır.
Parlament respublikası olan İtaliyada əsas siyasi fiqur baş nazirdir. Hökumət parlamentin aşağı palatasına (Deputatlar Palatası) və yuxarı palatasına (Senat) seçkilərin nəticələri əsasında qurulur.
