İtaliya seçim marafonunda
İtaliyada prezident seçkisi yanvarın 26-da üçüncü turla davam edəcək. Novator.az bildirir ki, yanvarın 25-də keçirilmiş ikinci tur da ilk tur – 24 yanvar səsverməsi kimi nəticəsiz başa çatıb.
Dövlət başçısını parlament palataları üzvləri (Deputatlar Palatasından 630 nəfər, Senatdan 321 nəfər) və bölgə təmsilçilərini (58 nəfər) birləşdirən 1009 nəfərlik kollegiya seçir. İlk üç turda qələbə üçün üçdə iki səs çoxluğu, dördüncü turdan başlayaraq sadə səs çoxluğu tələb olunur. Birinci turun lider namizədi 36, ikinci turun lider namizədi 39 səs alıb, seçim üçüncü tura adlayıb.
İtaliyada prezidentin səlahiyyət müddəti 7 ildir. 2015-ci ildən prezidentlik edən Serco Mattarellanın səlahiyyət müddəti fevralın 3-də başa çatır.
Parlament respublikası olan İtaliyada əsas siyasi fiqur baş nazirdir. Hökumət parlamentin aşağı palatasına (Deputatlar Palatası) və yuxarı palatasına (Senat) seçkilərin nəticələri əsasında qurulur.
