Problemli kredit statistikası
Rəsmi statistikaya görə, 2022-ci il yanvarın 1-nə Azərbaycanda 719,4 milyon manat problemli kredit qeydə alınıb.
Novator.az əvvəlki illərin rəqəmlərinə də nəzər salıb.
Mərkəzi Bank 2015-ci ilin əvvəlində vaxtında qaytarılmayan kreditin həcmini 976,3 milyon manat göstərib.
2015-ci ilin devalvasiyaları ilə ABŞ dollarının rəsmi kursu 0,7844 manatdan 1,5594 manata yüksəlib, bu da problemli kreditlərin artımına rəvac verib. 2016-cı ilin əvvəlində 1 milyard 508,5 milyon manat, 2017-ci ilin əvvəlində 1 milyard 472,6 milyon manat, 2018-ci ilin əvvəlində 1 milyard 626,7 milyon manat, 2019-cu ilin əvvəlində 1 milyard 585 milyon manat problemli kredit rəsmiləşib.
2019-cu ildə fiziki şəxslər 2012-ci il yanvarın 1-dən bağlanmış kredit müqavilələri üzrə devalvasiya kompensasiyaları alıb.
2020-ci ilin əvvəlində ödəniş vaxtı keçmiş kreditlərin həcminin 1 milyard 273,1 milyon manat, 2021-ci ilin əvvəlində 893,1 milyon manat olduğu açıqlanıb.
