Teymur Musayev nazir təyin olundu
Teymur Musayev səhiyyə naziri təyin edilib. Prezident İlham Əliyev sərəncamı yanvarın 19-da imzalayıb.
Novator.az bildirir ki, Teymur Musayev 2021-ci il aprelin 23-dən səhiyyə nazirinin birinci müavini, nazir vəzifəsinin icraçısı idi.
16 sentyabr 1970-ci ildə Bakı şəhərində doğulan Teymur Musayev Azərbaycan Tibb Universitetini bitirib.
Bakıdakı 16 saylı poliklinikada çalışıb, “H.T.P.” İsrail klinikasının Bakı filialının tibbi direktoru, Reproduktiv Sağlamlıq Proqramının direktor müavini olub, “Baku City Hospital”da həkim-uroloq, Nəsrəddin Tusi adına Klinikada həkim-uroloq, şöbə müdiri, baş həkimin müalicə işləri üzrə müavini, baş həkim, tibbi direktor, “Baku Dobromed Hospital”da tibbi direktor, “Chenot Palace Gabala”da tibbi direktor postlarını tutub, “Spero Hospital”da həkim-uroloq kimi fəaliyyət göstərib, Səhiyyə Nazirliyinin səhiyyənin təşkili şöbəsinə müdirlik edib.
Tibb elmləri namizədidir.
