AXCP üzvü Zamin Salayev yanvarın 19-da Bakıdakı 17 saylı Cəzaçəkmə Müəssisəsindən azadlığa buraxılıb. Onun cəza müddəti başa çatıb.
2020-ci il aprelin 20-də böhtan və təhqirdə təqsirli bilinərək 2 il 3 ay müddətinə azadlıqdan məhrum edilən cəbhəçinin cəzası 2021-ci ildə 1 il 9 aya düşürülmüşdü.
Novator.az bildirir ki, Zamin Salayevə 2 il 3 ay işi Salyan Rayon Məhkəməsi kəsmişdi. O, polis kapitanı Həmzə Əzizovun şikayəti əsasında həbs edilmişdi. Zamin Salayev sosial şəbəkədə video yayaraq Həmzə Əzizovu qanunazidd və polis əməkdaşına yaraşmayan hərəkətlərdə günahlandırmış, bundan sonra Həmzə Əzizov Salyan Rayon Məhkəməsində xüsusi ittiham qaydasında iddia qaldıraraq Zamin Salayevin Cinayət Məcəlləsinin 147-ci (böhtan) və 148-ci (təhqir) maddələri ilə cinayət məsuliyyətinə cəlb olunmasını istəmişdi.
Məhkəmə polis kapitanının şikayətini təmin etmiş, Zamin Salayevi Həmzə Əzizova ağır və ya xüsusilə ağır cinayətdə ittiham etməklə böhtan atmaqda və onu təhqir etməkdə təqsirli bilmişdi.
