Ticarət statistikası
2021-ci ildə Azərbaycanın pərakəndə ticarət şəbəkəsində istehlakçılara 44,2 milyard manatlıq məhsul və mal satılıb. Novator.az-ın məlumatına görə, hesabatı yayan Dövlət Statistika Komitəsi bildirir ki, 2020-ci illə müqayisədə pərakəndə ticarət dövriyyəsi real ifadədə 3,2 faiz artıb, istehlaka xərclənən vəsaitin 54,3 faizi ərzaq məhsulları, içkilər və tütün məmulatlarının payına düşüb.
Başqa bir hesabata əsasən, 2021-ci ilin yanvar-noyabr aylarında Azərbaycanın hüquqi və fiziki şəxsləri 186 ölkədəki tərəfdaşları ilə ticarət əməliyyatları həyata keçirib, 117 ölkəyə məhsul ixrac olunub, 173 ölkədən idxal rəsmiləşib: “2020-ci ilin yanvar-noyabr ayları ilə müqayisədə xarici ticarət dövriyyəsi faktiki qiymətlərlə 40,7 faiz, real ifadədə 0,8 faiz artıb, ixracda 10,4 faiz yüksəliş, idxalda 11,2 faiz azalma qeydə alınıb. Qeyri neft-qaz məhsullarının ixracı faktiki qiymətlərlə 44,1 faiz, real ifadədə 33,8 faiz artıb”.
