Sənaye, sərmayə, orta maaş statistikası
Sənaye müəssisələri və fərdi sahibkarlar 2021-ci ildə 54,5 milyard manatlıq (2020-ci illə müqayisədə 5,2 faiz çox) sənaye məhsulu istehsal edib. Hesabatı yayan Dövlət Statistika Komitəsi sənayenin qeyri neft-qaz sektorunda məhsul istehsalının 18,9 faiz artdığını bildirir.
Başqa bir rəsmi açıqlamaya görə, 2021-ci ildə əsas kapitala 16 milyard 127 milyon manat məbləğində, 2020-ci illə müqayisədə 8,2 faiz az vəsait yönəldilib, neft-qaz sektorunda investisiyaların həcmi 5,6 faiz, qeyri neft-qaz sektorunda 9,6 faiz azalıb.
Həmçinin qeyd edilir ki, 2021-ci il dekabrın 1-nə Azərbaycan iqtisadiyyatında muzdla çalışan işçilərin orta aylıq nominal əməkhaqqı əvvəlki ilin eyni dövrünə nisbətən 2,9 faiz artaraq 724,1 manat olub.
