Hasilat nöqtəsi, yeni qiymət
Energetika Nazirliyinin rəsmi hesabatına görə, 2021-ci ilin dekabr ayında Azərbaycanın gündəlik xam neft hasilatı 597,1 min barrel olub.
Novator.az bildirir ki, ötən il gündəlik hasilat yanvar və fevralda 593 min barrel, martda 592,1 min barrel, apreldə 594 min barrel, mayda 586 min barrel, iyunda 610 min barrel, iyulda 606 min barrel, avqustda 596,1 min barrel, sentyabrda 586,2 min barrel, oktyabrda 585,9 min barrel, noyabrda 588,9 min barrel göstərilib.
Hazırda ölkənin gündəlik hasilat üzrə kvotası 661 min barreldir. Beynəlxalq razılaşma fevral ayından gündəlik hasilatı 668 min barrelə çatdırmaq imkanı verir.
Yanvarın 12-də “AzəriLayt” markalı Azərbaycan neftinin barreli 86,88 dollara satılır.
2022-ci ilin dövlət büdcəsində bir barrel neftin qiyməti 50 dollardan götürülüb. “AzəriLayt” ilə 82,49 dollarla start verib.
2008-ci ildə Azərbaycanda 44,5 milyon ton, 2009-cu ildə 50,4 milyon ton, 2010-cu ildə 50,8 milyon ton, 2011-ci ildə 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton xam neft hasil olunub.
2021-ci ilin yanvar-noyabr ayları üzrə hasilat 31,6 milyon tondur.
