Vəzirov vəfat etdi
Dövlət xadimi Əbdürrəhman Vəzirov yanvarın 10-u Rusiyanın paytaxtı Moskvada vəfat edib.
Novator.az bildirir ki, Əbdürrəhman Vəzirov 1930-cu il mayın 26-da Bakı şəhərində doğulub. 1952-ci ildə Azərbaycan Sənaye İnstitutunu (indiki Azərbaycan Dövlət Neft və Sənaye Universiteti) bitirib.
Azərbaycan Komsomolunun Mərkəzi Komitəsinin katibi, ikinci katibi, birinci katibi postlarını tutub, Sovet İttifaqı Komsomolunun Mərkəzi Komitəsinin katibi olub, Kirovabad (indiki Gəncə) Şəhər Partiya Komitəsinin birinci katibi, Azərbaycan Kommunist Partiyası Mərkəzi Komitəsinin sənaye şöbəsinin müdiri vəzifələrində çalışıb.
1976-cı ildə diplomatik xidmətə keçən Əbdürrəhman Vəzirov SSRİ-nin Hindistanın Kəlküttə şəhərində baş konsulu, Nepalda və Pakistanda səfiri olub.
Əbdürrəhman Vəzirov 1988-1990-cı illərdə Azərbaycan Kommunist Partiyası Mərkəzi Komitəsinin birinci katibi kimi respublikaya rəhbərlik edib.
Allah rəhmət eləsin!
