Avropa meydanlarında
Avropanın aparıcı milli futbol çempionatlarında növbəti oyunlar arxada qalıb. Novator.az-ın məlumatına görə, İspaniya çempionatında “Real” 49 xalla liderdir. “Sevilya” 44, “Betis” 34, “Atletiko” və “Real Sosyedad” 33, “Barselona” 32 xal yığıb.
İtaliya çempionatında “İnter” 49 xalla zirvədədir. “Milan” 48, “Napoli” 43, “Atalanta” 41, “Yuventus” 38 xal əldə edib.
Almaniya çempionatında “Bavariya” 43 xalla irəlidədir. “Borussiya” (Dortmund) 37, “Hoffenhaym” 31, “Frayburq” 30, “Bayer” 29 xal toplayıb.
Fransa çempionatına PSJ başçılıq edir: 47 xal. “Nitsa” və “Marsel” 36, “Renn” və “Monpelye” 31 xal götürüb.
Fasilədən bu həftə dönəcək İngiltərə çempionatında “Mançester Siti” 53 xalla öndədir. “Çelsi”nin 43, “Liverpul”un 42, “Arsenal”ın 35, “Vest Hem”in 34, “Tottenhem”in 33, “Mançester Yunayted”in 31 xalı var.
