Hasilatda yeni norma
Neft ixracatçılarını bir araya gətirən beynəlxalq koalisiya yanvarın 4-də yeni hasilat razılaşması əldə edib. Energetika Nazirliyinin məlumatına görə, razılaşma fevral ayından Azərbaycana gündəlik xam neft hasilatını 668 min barrelə çatdırmaq imkanı verir. Hazırda ölkənin gündəlik hasilat kvotası 661 min barreldir.
Azərbaycanın 2022-ci il büdcəsində bir barrel neftin qiyməti 50 dollardan götürülüb. “AzəriLayt” markalı Azərbaycan nefti ilə 82,49 dollarla start verib.
2021-ci ilin yanvar-noyabr aylarında ölkədə 31,6 milyon ton xam neft çıxarılıb.
2008-ci ildə Azərbaycanda 44,5 milyon ton, 2009-cu ildə 50,4 milyon ton, 2010-cu ildə 50,8 milyon ton, 2011-ci ildə 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton neft hasil olunub.
