Yayım Şurasında yeni üzvlər
Milli Məclisin 30 dekabr iclasında İctimai Televiziya və Radio Yayımları Şirkətinin Yayım Şurasının üç üzvü seçilib: Zeynalov Vüqar Eldar oğlu, Əliyev Azər Ruslan oğlu, Yusifova Sevil Şərif qızı.
Novator.az bildirir ki, 9 üzvü olan Yayım Şurasının İctimai Televiziya və Radio Yayımları Şirkətinin baş direktorunu seçmək, baş direktorun təqdimatı ilə onun müavinlərini vəzifəyə təyin etmək və başqa səlahiyyətləri var.
Şura üzvləri bu qurumların irəli sürdüyü namizədlər arasından seçilir: Azərbaycan Həmkarlar İttifaqları Konfederasiyası; Milli Elmlər Akademiyası; Mətbuat Şurası; Sahibkarlar Şurası; gənclər təşkilatları; qadın cəmiyyətləri; idman federasiyaları; dini konfessiyalar; yaradıcılıq təşkilatları.
2017-ci ildən Yayım Şurasına akademik Muxtar İmanov sədrlik edir. 1955-ci il təvəllüdlü Muxtar İmanov Milli Elmlər Akademiyasının Folklor İnstitutunun direktorudur.
