Azərbaycan nefti 2021-ci ildə 30,32 dollar bahalaşıb
Energetika Nazirliyinin 30 dekabr məlumatına görə, “AzəriLayt” markalı Azərbaycan neftinin barreli 81,24 dollara satılır. Novator.az bildirir ki, bu, ilin əvvəlindəki qiymətdən 30,32 dollar yuxarı qiymətdir.
Azərbaycanın 2021-ci il büdcəsində bir barrel neftin qiyməti 40 dollardan götürülüb. “AzəriLayt” yanvara 50,92, fevrala 56,68, marta 65,66, aprelə 64,25, maya 66,55, iyuna 70,57, iyula 75,95, avqusta 73,48, sentyabra 72,21, oktyabra 80,44, noyabra 87,08, dekabra 71,74 dollarla start verib.
2021-ci ilin yanvar-noyabr aylarında ölkədə 31,6 milyon ton xam neft çıxarılıb. Gündəlik xam neft hasilatı yanvar və fevralda 593 min barrel, martda 592,1 min barrel, apreldə 594 min barrel, mayda 586 min barrel, iyunda 610 min barrel, iyulda 606 min barrel, avqustda 596,1 min barrel, sentyabrda 586,2 min barrel, oktyabrda 585,9 min barrel, noyabrda 588,9 min barrel göstərilib.
Beynəlxalq razılaşma Azərbaycana 2022-ci ilin yanvar ayından gündəlik xam neft hasilatını 661 min barrelə çatdırmaq imkanı verir.
