Gələn mövsümün ilk müjdəsi
Avropanın futbol təşkilatı UEFA-nın klub turnirlərində 2022-2023 mövsümünün ilkin təqvim və reqlamenti bəlli olub. Novator.az bildirir ki, mövsüm 2022-ci il iyunun 21-də Çempionlar Liqasının ilk ələmə mərhələsi ilə açılır, 2023-cü il iyunun 10-da həmin turnirin final matçı ilə bitir.
Konfrans Liqasının startı (birinci mərhələ) 2022-ci il iyulun 7-nə, finişi 2023-cü il iyunun 7-nə təyin olunub.
Avropa Liqası 2022-ci il avqustun 4-də ilk mərhələdən başlayır, 2023-cü il mayın 31-də final oyunu ilə başa çatır.
Azərbaycan çempionu Çempionlar Liqasında mübarizəyə birinci mərhələdən (5-13 iyul 2022-ci il) qoşulur.
Gümüş və bürünc mükafatçılar, həmçinin kubok sahibi Konfrans Liqasında oynayacaq, ikinci mərhələdə (21-28 iyul 2022-ci il) siftə edəcək.
